Амжилтад хүргэхэд олон зорилго, олон төрлийн авьяас чадвар, янз бүрийн мэргэжил огтоос хэрэг болдоггүй. Харин ч садаа болдог. Зөвхөн нэг зорилго, нэг хийж чаддаг ажил мөн түүнийгээ нүдээ аниад ч хийж чаддаг болох эрмэлзэл байхад хангалттай. Шилдэг мэргэжил гэж байхгүй, шилдэг мэргэжилтэн л гэж л байдаг. Та салбартаа шилдэг мэргэжилтэн болохын тулд жинхэнэ хүчээ хэрхэн гаргах вэ? Цагаа хэрхэн зөв зарцуулж, хэзээ ч цуцашгүйгээр урагшлах вэ? Мөн энэ бүхнийг өөртөө хэрхэн тааламжтай, аз жаргалтайгаар хийх вэ? Таны амьдралд юу хэрэгтэй, юу хэрэггүйг сонгох сонголт ямар чухал байдаг вэ? гэх мэт олон асуултад зохиолч өөрийн туулж гарсан туршлагаа бодит түүх, баяр, гуниг хосолсон үйл явдалтай холбон бичжээ. Үүнээс гадна зохиолч маань өсвөр насандаа тарган охин байсан инээдтэй түүхээ нуулгүй бичихдээ өдийг хүртэл жингээ барьдаг аргаа хуваалцав. Амжилтын төлөө явахад ахуйн хандлага чухал гэдгийг олон жишээгээр татаж онолоор бус уран зохиолын хэлбэрээр бичсэн нь хэн ч уншсан сонирхолтой бас шууд тусгаж авахаар ажээ.

Үр сад ном нь ” Би чамд хайртай”, ” Үр сад” гэх хоёр туужаас бүрдэж, эцсийн хүчээ шавхан үрийнхээ төлөө өндийх эхийн тухай бодит түүхээс бодит түүхээс сэдэвлэн бичигдсэн. Хүнд хоёр гар заяадгийн учир нь нэг гарыг нь өөртөө туслахад нөгөө гарыг бусдад туслахад зориулаасай гэж бурхан бүтээжээ гэх утгыг агуулсан бүтээл болсоноороо онцлог юм.